༄༅། །དེ་ཡང་ཨྱོན་ཆེན་པོའི་རྒྱལ་ཚབ་གཏེར་ཆེན་པདྨ་གླིང་པའི་འཕྲིན་ལས་ཀྱི་བདག་པོ་རྒྱལ་སྲས་པདྨ་འཕྲིན་ལས་ཀྱི་སྐྱེས་རབས་ཇི་ལྟར་བྱོན་ཚུལ་བརྗོད་པ་སྟེ། དེ་ཡང་སྙིགས་མ་ལྔ་བདོའི་དུས་ཀྱི་འདྲེན་མཆོག་དམ་པ་མཁྱེན་རབ་ཐུགས་རྗེའི་དབང་ཕྱུག་པད་གླིང་ཡབ་སྲས་གསུམ་གྱི་ཡ་གྱལ་རྒྱལ་སྲས་པདྨ་འཕྲིན་ལས་ཞེས་ལྷར་བཅས་འགྲོ་བའི་སྐྱབས་གནས་གཅིག་པུར་གྱུར་པ་ནི།ཕྱི་ལྟར་གདུལ་བྱའི་སྣང་ངོར་སྐྱེས་རབས་བྱོན་ཚུལ་ལ་དཔག་ན། སྔོན་བདག་ཅག་གི་སྟོན་པ་ཤཱཀྱ་ཐུབ་པ་དེ་ཉིད་མྱ་ངན་ལས་འདའ་བར་བཞེད་དེ་རྩ་མཆོག་གྲོང་དུ་ཕེབས་པ་ན་གདུགས་ཚོད་ཐ་མ་དྲངས་ཤིང་སྐུ་མྱ་ངན་ལས་མི་འདའ་བར་གསོལ་བ་བཏབ་པའི་ཚེ། མ་འོངས་པར་སངས་རྒྱས་ཀུན་ཏུ་སྣང་བ་ཞེས་བྱ་བར་མངོན་པར་རྫོགས་པར་འཚང་རྒྱ་བའི་ལུང་བསྟན་ཐོབ་པ་དགེ་བསྙེན་ཙུནྡའམ་སྐུལ་བྱེད།